ဗုဒ္ဓရံသီ ဘုန်းတော်ကြီးကျောင်း

Saturday, August 7, 2010

ဒုတိယအကြိမ် ရှင်ပြုရဟန်းခံပုံများ



၃၁.၀၇.၂၀၁၀ တွင် ဆရာတော်ဦးဥတ္တရ၊ ဦးသီလိတ္ထ၊ ဆရာတော်ဦးသြ၊ ဦးဥာဏ၊ ဦးကုမာရ အစရှိသည့် ဆရာတော်များအား အမှူးထား၍ ရှင်သာမဏေ (၈)ပါးမှ သာသနာ့ဘောင်သို့ ဝင်ရောက်ခဲ့ပြီး နောက်တစ်နေ့ ၁.၀၈.၂၀၁၀ နံက်တွင် ရဟန်းသံဃာအဖြစ်သို့ ရှင်သာမဏေ (၃) ပါးမှအသွင် ကူးပြောင်း တက်လှမ်းခဲ့ကြပါသည်။ ထို့နောက်တွင် ဆရာတော်ဦးဥာဏမှ ၂.၀၈.၂၀၁၀ နေ့တွင် အင်္ဂလန်နိုင်ငံသို့ ပြန်လည် ကြွချီသွားတော်မူပါသည်။ ၃.၀၈.၂၀၁၀ တွင်မူပြင်သစ်မှ ရောက်ရှိလာသော ဆရာတော်ဦးကုမာရမှ ပြင်သစ်နိုင်ငံသို့ပြန်လည် ကြွချီသွားခဲ့ပါသည်။ ၄.၀၈.၂၀၁၀ တွင်မူ ဗုဒ္ဓရံသီ ဘုန်းတော်ကြီးကျောင်း ( ဒိန်းမတ်) တွင် ၂၇.၀၇.၂၀၁၀ မှစ၍ဝါဆိုခဲ့သည့် ဆရာတော်ဦးသီလိထ္ထမှ ကျန်းမာရေးစစ်ဆေးရန် အကြောင်းကြောင့် အင်္ဂလန်နိုင်ငံသို့ ခေတ္တပြန်လည်ကြွချီ သွားတော်မူခဲ့ပြီး ဝါတွင်းကာလအတွင်း ပြန်လည်၍သီတင်းသုံး နေထိုင်မည်ဖြစ်ပါသည်။ ၅.၀၈.၂၀၁၀ တွင်မူ ဗုဒ္ဓရံသီဘုန်းတော်ကြီးကျောင်း ( ဒိန်းမတ်) ၏ဥက္ကဌဆရာတော် ဦးဥတ္တရမှ၎င်းနေထိုင် သီတင်းသုံးတော်မူရာ မူလကျောင်းတိုက်ဖြစ်သည့် အင်္ဂလန်နိုင်ငံ လန်ဒန်မြို့မှ ကော်လန်ဒေး ကျောင်းတိုက်သို့ ပြန်လည်ကြွချီ တော်မူသွားပါသည်။ ယခုအခါတွင်မူမိမိတို့၏ ကျောင်းတိုက်တွင် ဆရာတော် တစ်ပါးတည်းသာ ဆက်လက်၍သီတင်းသုံး နေထိုင်နေပါသည်။ လက်ရှိကျောင်းတိုက်တွင် ရှိနေကြသောရှင်သာမဏေ ငါးပါးနှင့်ရဟန်းနှစ်ပါးမှာ ၈.၀၈.၂၀၁၀ တွင်ရှင်ရဟန်းအဖြစ်မှ ပြန်လည်၍ ထွက်ကြမည်ဖြစ်ပါသည်။
မြန်မာနိုင်ငံ ဒီမိုကရေစီရရှိရေးလှုပ်ရှားမှု အဖွဲ့ ADB ခေါ် Aktionsgruppe for demokrati i Burma အဖွဲ့မှလည်း ၈၈၈၈ လူထုအုံကြွမှုအရေးအခင်းတွင် နိုင်ငံ့သားကောင်း ပီသစွာ အသက်ပေး စွန့်လွှတ်သွား ကြသည့်သူများအား ရည်စူး၍နှစ်ပတ်လည် အာရုံဆွမ်းနှင့် နေ့ဆွမ်းများ ကို ၀၈.၀၈.၂၀၁၀ နေ့တွင် ဆက်ကပ်လှူဒါန်း ရေစက်ချ အမျှပေးဝေ၍ ဒိန်းမတ်နိုင်ငံသို့ ခေတ္တရောက်ရှိလာသော မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF မှအတွင်းရေးမှူး (၁) ကိုဆလိုင်းယောအောင်မှလည်း ၈၈၈၈ ဖြစ်ပေါ်လာပုံ အသေးစိတ်အား ရှင်းလင်းတင်ပြမည်ဖြစ်ပါသည်။ အထက်ပါပုံများမှ နှစ်သက်ရာပုံကို ဒေါင်းလုပ်လုပ်ချင်လျှင် ဒီနေရာကိုကလစ်၍ သွားရောက်ယူနိုင်ပါသည်။



0 comments: